Leon Goretzka dhe Joshua Kimmich nuk tërheqin vëmendjen vetëm për sukseset e arritura në fushë me Bayern Munich, por edhe kur kanë marrë pjesë në emisionin televiziv “Kush do të bëhet milioner?”.
Dy yjet e kampionëve të Europës kanë qenë protagonistë në televizionin gjerman RTL, duke fituar plot 64 mijë euro. Një shumë kjo që do të shkojë për bamirësi.
Kjo nuk është hera e parë që dyshja shkon në ndihmë të nevojtarëve.
Në muajin mars, në fakt, ata kanë themeluar WeKickCorona, një nismë kundër Coronavirus që ka mundësuar mbledhjen e 5 milionë eurove që i janë dhuruar shoqatave dhe spitaleve për të luftuar emergjencën e Covid-19.