Quhej Churchill Owaci dhe luante futboll.
Ishte 22 vjeç dhe ka vdekur pas një sulmi të pësuar nga shokët e tij të skuadrës. Episodi ka ndodhur në Uganda pas një ndeshjeje në distriktin e Lamëo.
Futbollisti ishte një mbrojtës, por ka paguar me jetën e tij një paraqitje të keqe.
Siç ka bërë të ditur Fox Sports, i riu Owaci, djalosh 22 vjeç nga Uganda është vrarë fundjavën e kaluar pasi është sulmuar nga vetë shokët e skuadrës pas një gabimi të bërë gjatë ndeshjes që ka çuar te goli i ekipit kundërshtar.
Nga sa kanë bërë të ditur disa burime, pas ndeshjes kanë lindur disa mosmarrëveshje pikërisht në lidhje me episodin e golit të pësuar. Sipas disave, lojtari ka qenë akoma në efektin e alkoolit të konsumuar natën para ndeshjes dhe kjo ka ndikuar te paraqitja e tij e keqe.
Nga këto diskut ime duket se ka filluar një sherr që ka degjeneruar deri në momentin që Owaci ka përfunduar në tokë pa ndjenja. Pasi është dërguar në spital, 22-vjeçari është deklaruar i vdekur pak orë më mbrapa.