Atalanta nuk di të ndalet në Serie A dhe duket se është ekipi për t’u mundur në këtë kampionat. Djemtë e Gasperinit fituan me rezultatin 5-2 ndaj Cagliarit duke marrë 9 pikë në 3 ndeshjet e para të kampionatit dhe kapi kreun me pikë të plota.
Sfida nisi mirë për vendasit që shënuan me Muriel në minutën e 7′, ndërsa Godin barazoi shifrat në 1-1. Vendasit reaguan menjëherë me anë të Papu Gomezit, ndërsa Pasalic u rikthye te goli. Pjesa e parë u mbyll me rezultatin 4-1 dhe golin e fundit me Zapatan.
Pjesa e dytë solli vetëm dy gola të tjerë, miqtë ngushtuan diferencën me anë të Joao Pedros, ndërsa vendasit u dhanë shuplakën përfundimtare me golin e Lammers për 5-1. Berat Gjimshiti luajti 90 minuta të plota dhe dhuroi një paraqitje të mirë.
