Karim Benzema arriti një tjetër rekord në Champions. Sulmuesi francez është një nga më veteranët në këtë kompeticion dhe ky është edicioni i 17-të që merr pjesë.
Me golin e tij kundër Gladbahut ka arritur të shënojë në 16 sezone radhazi në kompeticionin më të rëndësishëm europian duke barazuar Lionel Mesin, i cili gjithashtu e arriti këtë shifër pas golit kundër Ferencvaroshit.
Sulmuesi francez është një nga golashënuesit më të mirë të Ligës së Kampioneve. Ai ka gjetur rrugën e rrjetës në 12 edicione me Realin e Madridit dhe katër me skuadrën e Lionit.
Me 66 gola ai është në 5 golashënuesit më të mirë të Ligës së Kampioneve, pas Kristiano Ronaldos, Lionel Mesit, Raul Gonzalesit dhe Robert Levandovskit. Karim ka marrë në dorë frenat e sulmit madrilen që pas largimit të Kristiano Ronaldos nga Reali.
