Një prapaskenë e bujshme është publikuar ditën e sotme nga mediat nigeriane. “Hiqini duart nga trajneri ynë”, kështu titullohet artikulli, teksa bëhet fjalë për trajnerin aktual të bardhebluve Emanuel Egbo.
Sipas portalit “owngoalnigeria.com”, kohët e fundit ka pasur një interes nga Federata e Futbollit të Nigerisë, për ta pasur në staf teknikun 47-vjeçarit, por kampionët në fuqi të Shqipërisë i kanë bërë “bllokadë” nigerianëvë.
Raportohet se Egbo është kontaktuar nga Federata Nigeriane, që t’i bashkohej stafit teknik të trajnerit aktual të Nigerisë, Gernot Rohr, si ndihmës i gjermanit, me shpresën që në të ardhme të drejtojë si trajner i parë kombëtaren e vendit të tij. Por, sipas mediat nigeriane, bardheblutë janë të vendosur për të mos e lënë të lirë trajnerin e tyre që të nisë një aventurë të re.