Ashtu si në seancën e pasdites së ditës së hënë, edhe dje ka munguar në stërvitje sulmuesi Theofilus Solomon.
Nigeriani e ka nisur javën larg skuadrës duke ndjekur një program të diferencuar stërvitor. Solomon po kalon një virozë të stinës, kështu që është parë e udhës që lojtari të përgatitet vetëm në palestër për momentin.
Një problem jo i vogël ky për Dajën, meqenëse shihet si “pyka” e parë në repartin e avancuar dhe provat për të janë bërë gjatë kësaj periudhe. Sipas drejtuesve të skuadrës, nuk bëhet fjalë për ndonjë shqetësim, por thjesht për gjendje të lehtë gripale.
