Giorgio Chiellini ka folur nga grumbullimi me Italinë në lidhje me rastet e shumta me corornavirus që rrezikojnë të kompromentojnë kampionatin.
“Protokollet, masat e ndryshme parandaluese duhet të rishikohen. Duhet vazhduar përpara. Ne futbollistët e dimë se kalojmë rreziqe, dhe jei gati t’i kalojmë”, ka thënë kapiteni i Juventus-it.
“Duhet të vazhdojmë përpara sepse e dimë se futbolli është një lëvizje me ndikim të madh ekonomik, por edhe për vlerën sociale që e dimë se kemi”.
“Në javët e ardhshme do të ketë mbyllje të tjera, dhe besoj se futbolli është i rëndësishëm për njerëzit. Na presin muaj të vështirë, dhe këtë e dimë”.
“Unë besoj se në fund fitorja e vërtetë do të jetë përfundimi i kampionatit. E di që tani se kushdo që do ta fitojë, do të flitet për kampionat të shtrembëruar, por e vërteta është se do të jetë e rëndësishme të arrijmë deri në fund”.
