Pasi rezultoi negativ nga tamponi i fundit, Roberto Galjardini përgatitet të rikthehet në gatishmëri të Antonio Kontes në mesfushën zikaltër që kundër Milanit, Borusias, Xhenoas dhe Shahtjorit ka ndier mungesën e tij.
Një mungesë e nënvizuar nga statistikat. Pas karantinës numri 5 interist është mesfushori që ka shënuar më shumë: 18 ndeshje si titullar (më shumë se Brozoviç dhe Barela që kanë totalizuar 17) dhe duke shënuar 5 gola. Italiani shërben si ekuilibrues i dy inkursorëve Barela dhe Vidal.
Me Galjardinin në fushë Interi fiton më shumë: 61%, me një mesatare pikësh që rritet nga 1,7 në 2,1; ndërsa pa lojtarin nga Bergamo zikaltrit humbasin 43% të ndeshjeve.
