Mbrojtësi shqiptar, Herdi Prenga është duke kaluar një formë mjaft të mirë në kampionatin letonez me fanellën e Rigës. 26-vjeçari çuditërisht nuk ishte prezent në listën e trajnerit Reja të bërë publike ditën e djeshme për 3 sfidat e muajit tetor, pavarësisht se është një titullar i padiskutueshëm te skuadra e ti.
Prenga ka realizuar dopietë në përballjen e sotme ndaj Liepajës, duke u shndërruar në një lider te skuadra e Rigës. Në minutën e 11-të, 26-vjeçari, goditi saktë me kokë, ndërkohë që 15 minuta më vonë, dyfishoi shifrat nga pika e bardhë e penalltisë.
Kujtojmë që Prenga realizoi edhe në sfidën e javës së kaluar ndaj Spartaks, duke u shndërruar kështu në një… bomber. Dy ndeshje 3 gola!
