Milani ka një çështje shumë të nxehtë në duar. Portieri Gianluigi Donnarumma mund të largohet si futbollist i lirë, pasi nuk ka vendosur ende të rinovojë kontratën me “Djallin”.
Calciomercato ka publikuar lajmin se Chelsea ka hedhur sytë nga portieri i italianëve. Trajneri Frank Lampard ka vuajtur shumë me portën këtë sezon dhe vitin e kaluar, pasi Kepa ka gabuar pafund. Caballero është 39 vjeç dhe nuk jep siguri.
Mendy duhet parë se si do të shkojë. Në krahun tjetër, numri një i stolit po mendon për të ardhmen dhe Xhixho është një nga më të mirët në botë momentalisht. Raiola po mendon ta lëvizë nga Milani dhe duket se gjërat kanë nisur të luhen në prapaskenë.
