Lojtari i dalë nga akademia e Kukësit, do të mbajë veshur fanellën e qytetit të tij edhe për 3 sezonet e ardhshme.
Domi luajti me ekipin e parë të verilindorëve në 5 ndeshje sezonin e kaluar, ku ia doli të shënojë edhe një gol.
Tashmë me merkaton e mbyllur, te Kukësi punojnë me rinovimin e kontratave të lojtarëve të rinj, që premtojnë për të ardhmen.
Njoftimi i klubit:
Mesfushori i talentuar kuksian Fluturim Domi ka rinovuar me skuadrën tonë deri në vitin 2023.
I dalë nga akademia e Kukësit, mesfushori do të mbajë veshur fanellën e qytetit të tij edhe për 3 sezonet në vijim. Sezonin e shkuar, Domi zhvilloi 5 ndeshje duke shënuar edhe një gol.
Urime dhe suksese Fluturim! Të priftë e mbara!
