Liverpool ka marrë një fitore mbresëlënëse 5-0 në shtëpinë e Atalanta-s mbrëmjen e sotme dhe ka përforcuar vendin e parë në Grupin D, që tani e kryeson me 9 pikë pas tri ndeshjeve të para.
Protagonistët e ndeshjes së luajtur në Bergamo kanë qenë Diogo Jota, i cili ka realizuar një tregolësh.
Ai është bërë vetëm lojtari i tretë portugez që shënon një tregolësh në Champions League pas Cristiano Ronaldo-s dhe Rui Pedro-s.
Golat e tjerë janë shënuar nga Salah dhe Mane. Ka qenë një gol special për egjiptianin, i cili ka kapur Steven Gerrard si golashënuesi më i mirë në historinë e klubit në në ndeshjet europiane me 21 gola.
Atalanta ka zbritur në vendin e tretë të grupit, e parakaluar nga Ajax-i që ka fituar 2-1 në fushën e Midtjylland. Holandezët kanë të njëjtin numër pikësh me zikaltrit, por kanë një diferencë më të mirë golash.
