Juventus rikthen interesin për një objektiv të vjetër në merkato. Sipas “L’Equipe”, bardhezinjtë kërkojnë të firmosin në verë me Arkadiuzs Milik. Sulmuesi momentalisht është pjesë e Marseille, klub ku është huazuar nga Napoli, që zotëron kartonin e tij.
Në fund të sezonit, sulmuesi polak do të rikthehet në Itali, por jo më në Napoli me sa duket, por në Torino. Këtë herë, interesi i Juventusit është më konkret sipas prestigjiozes franceze dhe marrëveshja mund të mbyllet.
Napoli dëshiron ta shesë Milik dhe gjuha e përbashkët me Juventus mund të gjendet rreth shifrës 25-30 milionë euro. Që nga janari, Milik ka shënuar 3 gola në 7 ndeshje me fanellën e Marseille në Ligue 1.
