Boksieri rus Alexander Povetkin ka dalë pozitiv me Covid-19. Për pasojë, revanshi i planifikuar më 21 nëntor ndaj britanikut Dillian Whyte është anulluar.
Dy boksierët u përballën mes tyre pak muaj më parë, me Povetkin që fitoi me “KO teknik”, por menjëherë u vendos të zhvillohej revanshi, që tashmë është shtyrë.
Eddie Hearn, menaxheri i Whyte, tha se kjo sfidë do të zhvillohet në një moment të dytë, me shumë gjasa vitin e ardhshëm. Hearn shtoi se Whyte po vijon stërvitjen, pasi synon të gjejë një rival tjetër për duelin e 21 nëntorit.
Ai shpreson të zhvillojë një duel të madh mes Dillian Whyte dhe Tyson Fury, por kjo gjë duket e vështirë për t’u realizuar. Kandidat është edhe Dereck Chisora.
