Viron Toska, trajneri i mirënjohur i basketbollit vlonjat dhe atij shqiptar, është ndarë nga jeta mëngjesin e sotëm, si pasojë e Covid-19. Një lajm i trishtë për sportin e basketbollit, pasi largohet nga jeta një prej figurave të njohur të këtij sporti në vitet e fundit.
Toska ishte shtruar prej disa ditësh në spital, në kryeqytet dhe ndodhej në gjendje të rëndë. Për fat të keq, ai nuk e ka fituar dot betejën me koronavirus, duke u ndarë sot nga jeta në moshën 64-vjeçare.
Në karrierën e tij numërohen mbi 35 tituj të fituar me Flamurtarin, në kampionat, Kupë apo evente të tjera kombëtare, një trajner i suksesshëm, që ka drejtuar edhe kombëtaren e femrave. Një emër i madh i basketbollit, që largohet herët nga jeta.
