Trajneri i Barcelona-s, Ronald Koeman, e ka pranuar se Bayern Munich është më i fortë se skuadra e tij dhe se bavarezët janë favoritë për të fituar Champions League edhe këtë vit.
“Për të fituar Champions League duhet të përmirësohemi, sot ka skuadra si Bayern Munich që janë përpara. Por kemi një të ardhme. Kemi ndryshuar imazhin e grupit, kemi sjellë pak ajër të freskët”, ka thënë Koeman, siç ka bërë të ditur Sky Sport.it.
“Kemi humbur shumë pikë në kampionat, në ndeshje ku mund të kishim marrë rezultate më të mira, disa ndeshje janë kushtëzuar nga vendimet e arbitrave, por e dimë se duhet të përmirësohemi dhe po punojmë për këtë”.
