Fitorja me Kukësin ka kthyer humorin dhe qetësinë në kampin e kuq. Është futbollisti Jasir Asani që e shpreh më së miri këtë gjë nëpërmjet një video-je të publikuar në platformën “Tik Tok”.
Anësori i të kuqve stërvitet me asistentin e drejtorit sportiv, Gjergji Xharon, i cili bën sulmuesin në stërvitje. Asani shkruan me humor se e pret Xharon “të federohet si lojtar i ardhshëm i të kuqve”, duke iu referuar fakti se merkatoja e të kuqve është bllokuar për shkak të transferimit të lojtarit Eraldo Çinari në vitin 2018.
Në këtë situatë, Partizani është bazuar te lojtarët që ka në radhët e tij duke dhënë mesazhin se mund të bëjnë shumë mirë këtë sezon edhe pa blerje.