Maqedonia e Veriut ka fituar finalen e grupit D të Nations League kundër Gjeorgjisë me rezultatin 1-0. Një sukses i madh i fqinjëve tanë që pas fitores ndaj Kosovës në gjysmëfinale ngrejnë trofeun dhe kualifikohen për Euro2020.
Pjesa e parë u mbyll me rezultatin 0-0, ndërsa ndeshja u vendos në 45 minutat e dyta. Elmas ndërmori një aksion të mirë në minutën 56′ dhe dribloi mbrojtjen kundërshtare. Topi i doli mjaft mirë Pandev dhe “gjyshi” i sulmit nuk gaboi.
Maqedonia e Veriut kualifikohet në Euro2020 duke arritur një sukses shumë të madh. Ata arrijnë këtë fazë të kompeticionit për herë të parë në historinë e tyre.