Lajm i mirë për Romën dhe trajnerin e saj portugezin Paolo Fonseka, Marash Kumbulla është shëruar nga koronavirusi.
Këtë lajm e ka publikuar vetë mbrojtësi shqiptar në Story në profilin e tij zyrtar në “Instagram” ku ka shkruar: “Është koha për t’u kthyer”.
Marash Kumbulla rezultoi pozitiv me COVID-19 përpara se të grumbullohej me Kombëtaren shqiptare, ndërkohë ai humbi tri sfidat e Shqipërisë dhe sfidat ndaj Parmës dhe Napolit në kampionat dhe ndaj Kluzhit në Europa Ligë. Ndeshja e tij e fundit kur është aktivizuar ishte më 5 nëntor në ndeshjen e parë ndaj Kluzhit në Europa Ligë.
Paolo Fonseka tani do të ketë në dispozicion një nga lojtarët më në formë të Romës këtë sezon.