Fillimisht fantazisti ishte Stefano Sensi. Me kohën erdhi Eriksen, më pas u zhvendos përpara Barela. Megjithatë, në Interin e parë të Kontes, atë të gjashtë fitoreve radhazi nga fillimi i vitit të kaluar, “motori” i mesfushës ishte ai, Sensi.
Më pas në javën e shtatë u ndal me Juven dhe dëmtimet vazhduan. Kofsha, pulpa, këmba, bicepsi femoral, tashmë sërish kofsha, e majta: më shumë se gjashtë ndeshje radhazi italiani nuk i ka luajtur. Këtë sezon 3 prezenca, 7 në kampionat në gjithë 2020-ën, 4 si titullar.
Kur Sensi është në fushë, Interi udhëton me një ritëm prej 2,3 pikësh për ndeshje. Objektivi i radhës: prania në skuadër për rinisjen e 22 nëntorit kundër Torinos. Për t’ia arritur, stafi i ka përgatitur një program të specializuar gjatë ndalesës, por me kujdes për të mos mbledhur ngarkesë.
