Barcelona kthehet të shikojë në Serinë A.
Pas shkëmbimit Pjanic-Arthur me Juventus-in, klubi katalanas ka vënë në shënjestër një nga talentet e futbollit italian. Në Spanjë janë të sigurt, në merkaton e janarit mund të vijë sulmi vendimtar.
Sipas “Todofichajes.com”, Barcelona po punon për një goditje cilësore për sulmin e Koeman. Objektivi numër një mbetet Depay, por nuk do të jetë e lehtë që t’i hiqet nga duart Lyon-it.
Kështu që katalanasit kanë gati një plan B.
Ideja e fundit duket se është Hirving Lozano, i cili ka qenë afër Barçës para se të transferohej te Napoli.
Sulmuesi meksikan vlerësohet 30-35 milionë euro dhe nuk e ka fshehur kurrë dëshirën e tij për t’u transferuar në Katalonjë, në krah të Leo Messi-t.
Meksikani ka shënuar 4 gola dhe ka dhënë 1 asist në 9 ndeshjet e luajtura në këtë sezon me Napoli-n.