Kapiteni i Real Madridit, Sergio Ramos, nuk ka rinovuar ende me skuadrën spanjolle. Bisedimet kanë shkuar mirë, por ende nuk ka një firmë mes tyre duke bërë që shumë skuadra të tentojnë të firmosin me të.
PSG prin listën e klubeve që e duan, ndërsa në krahun tjetër janë futur në garë dhe klubet angleze. Të gjithët “big”-ët e Anglisë kanë shfaqur interes për kapitenin e madrilenëve.
34-vjeçari mbetet një nga mbrojtësit më të mirë të Europës dhe këtë po e tregon dhe me paraqitjet e tij të këtij sezoni. Liverpool, Manchester City, Man. United, Chelsea, Arsenal dhe Tottenham mund të duan ta rrëmbejnë.
