Trajneri i Teutës, Edi Martini është shprehur se Teita e tij do të kërkojë maksimumin ditën e nesërme në ndeshjen ndaj Tiranës, e vlefshme për javën e dytë në Superiore. Në daljen e tij para mediave, Martini është shprehur se skuadra e tij luan njësoj si me Tiranën, ashtu edhe për ndeshjet e tjera.
“Ndjej keqardhje për pikët e humbura. Dihet se ndeshjet e para, skuadrat nuk janë aty ku duhet. Mund ta kishim mbyllur ndeshjen që pjesën e parë, na u mohua edhe një penallti. Në pjesën e dytë ishin në vështirësi, nuk ishim në ekuilibër. Edhe në pjesën e dytë kishim rastet tona. Gjithsesi ishte një ndeshje ku duhet të merrnim fitoren. Këtu të gjitha ndeshjet janë të vështirë, Prandaj them që çdo ndeshje është e fortë dhe e rëndësishme.
Ne ashtu siç luajmë ndaj Tiranës luajmë edhe ndaj të tjerëve,. Megjithatë të shikojmë, fusha vendos gjithçka. Ne kemi një organikë me lojtarë cilësorë. E rëndësishme është që nesër të luajmë mirë, të jemi të përqendruar te ndeshja dhe të marrim rezultat pozitiv. Duhet të futemi në fushë ashtu si në 3 ndeshjet e tjera ndaj Tiranës. Shpresoj të përsërisim një tjetër rezultat pozitiv.”, u shpreh Martini.
