Arturo Vidal nuk ishte në ditën e tij më të mirë në ndeshjen që Interi u mposht nga Reali i Madridit në Ligën e Kampioneve.
Kiliani u ndëshkua me karton të kuq në minutën e 33’, pas disa protestave ndaj gjyqtarit dhe për këtë arsye, ky i fundit e ndëshkoi me dy kartonë të verdhë të njëpasnjëshëm. Në këtë mënyrë, mesfushori e la skuadrën e tij me 10 lojtarë, duke ia bërë të vështirë ndeshjen zikaltërve.
Sipas asaj që raporton “Corriere dello Sport”, drejtuesit e Interit kanë qenë shumë të pakënaqur me veprimin e lojtarit dhe për këtë arsye po mendojnë ta gjobisin atë. Një atmosferë aspak e qetë te zikaltërit, e cila vjen prej rezultateve aspak të mira të skuadrës, që tashmë është edhe më një këmbë jashtë Ligës së Kampioneve.
