Përfaqësuesja e Kosovës ka mbërritur në Shqipëri për t’u përgatitur në kuadër të miqësores “vëllazërore” me kuqezinjtë si dhe për dy takimet e Ligës së Kombeve.
“Dardanët” kanë zbarkuar në Durrës në hotel “PremiUm”, ndërsa seancën e parë stërvitore do ta zhvillojnë në orën 19:00 në kompleksin “Tropikal”. Ndër të tjera, Federata e Futbollit të Kosoves raporton se Benjamin Kollolli, Florent Muslija, Leart Paqarada dhe Milot Rashica nuk do të luajnë në 3 ndeshjet e këtij muaji.
Ndaj Shqipërisë nuk do të jenë as Idriz Voca dhe Valon Berisha, të cilët po rikuperohen për ndeshjet e Ligës së Kombeve.
