Vedat Muriqi ka bërë një progres të jashtëzakonshëm në karrierën e tij vitet e fundit. Ish-sulmuesi i Besës së Kavajës dhe Teutës së Durrësit, arriti të transferohet në Serinë A italiane te skuadra e Lacios, pas sezonit spektakolar me Fenerbahçen në Turqi.
Bomberi nga Prizreni është rikthyer te e Kosovës, teksa iu bënë afro 1 vit pa luajtur me dardanët, për shkak të situatës së jashtëzakonshme të COVID-it dhe një dëmtimi që e shoqëroi gjatë kësaj periudhe.
Muriqi pritet të zbresë ditën e nesërme në orën 16:00, në ndeshje miqësore kundër Shqipërisë. Për këtë përballje, shqiptari i Kosovës, ka bërë një dedikim special në “Facebook”, duke shkruar:
Jam i lumtur që, pas një kohe të gjatë, nesër do të jem në fushën e blertë. Gjithmonë, përballjet më të veçanta janë ato me Shqipërinë. Edhe pse zyrtarisht quhet “ndeshje miqësore”, ne e konsiderojmë ndeshje vëllazërore.
