Pas fitores me përmbysje ndaj Torinos nga 0-2 në 4-2, padiskutim Romelu Lukaku ishte njeriu i ndeshjes sot duke shënuar dy gola dhe duke dhuruar një asist tek goli i Lautaro Martinezit. Në mikrofonat e “DAZN” Lukaku i përgjigjet pyetjeve të gazetarëve për të qenit lider i kësaj Interi:
Lider i skuadrës – “Jo, unë jam vetëm një lojtar që dëshiron fitoren. Nuk më pëlqen që njerëzit më thonë që jam lideri sepse janë të shumtë lojtarët që kanë luajtur shumë vite këtu dhe janë akoma këtu. Unë dëshiroj të bëj mirë, shpresoj të fitojmë ndonjë gjë. Duhet të bëjmë mirë, sot nuk kemi bërë aq mirë.”
Momenti më i mirë në karrierë – “Po, jam duke u rritur. Unë kërkoj të përmirësohem çdo ditë, çdo javë. Për të qenë një kampion duhet të përmirësohesh gjithmonë. Unë dua të bëj më të mirën për Interin.”
