Në tetorin e vitit 2018, përpara se Hulen Lopetegui të ulej në stolin e Realit të Madridit, kandidati kryesor për stolin madrilen ishte Antonio Konte.
Madje, më shumë se një kandidat: presidenti Florentino Perez i ofronte 14 milionë euro në sezon për 3 vite dhe e priste për konferencën e shtypit. Në momentin e fundit Konte tha “jo” dhe “Galaktikët” më pas e kthyen vëmendjen te Santiago Solari.
Megjithatë, një nga arsyet e refuzimit të trajnerit aktual të Interit mendohet të ketë qenë Serxho Ramos. “Respekti fitohet, nuk imponohet”, u shpreh mbrojtësi spanjoll kur u pyet lidhur me afrimin e italianit. Grupi i lojtarëve nuk ishte i kënaqur me intensitetin e Kontes dhe, në fund, afruan fillimisht Solarin përpara se të rikthenin Zidanin.