Bernd Shuster ka kritikuar situatën që po kalon Reali i Madridit në aspektin mbrojtës dhe thotë se në këtë grup ku bën pjesë nuk duhet që të kishte pësuar kaq shumë gola.
“Reali duhet të fitonte patjetër ndaj Interit sepse e kishte si finale. Por te kjo skuadër shoh që ka probleme në aspektin mbrojtës dhe pëson shumë gola. Në grup ka 3 skuadra të vogla dhe i kanë shënuar 8 gola”, ka thënë Shuster (në fakt Reali ka pësuar 7 gola). Ai këshillon madrilenët që të transferojnë menjëherë Alabën.
“Është një lojtar i madh dhe mund të bëjë diferencën. Sigurisht që do ta merrja në skuadër menjëherë. Benzema-Vinicius? Nuk duhen marrë seriozisht këto. Ndodhin”, tha ai.
