Sulmuesi i Borusia Dortmundit Erling Haland shpjegoi me batutë arsyen se si arriti të shënonte dje ndaj Hertës së Berlinit 4 gola brenda 32 minutave.
Pas ndeshjes, norvegjezi tregoi se kishte konsumuar në pushimin e sfidës një pije energjike “Red Bull” duke shtuar sloganin e famshëm se pastaj “u bë me krahë”.
“ Për të qenë i sinqertë, në pushim piva një pije energjike ‘Red Bull’. Kjo më bëri me krahë”, u përgjigj Haland pas fitores 2-5 ndaj Hertës së Berlinit.
Ai vazhdon të konfirmojë veten si një nga sulmuesit më të mirë të momentit duke rritur shpresat se do të jetë ndoshta futbollisti më i mirë në të ardhmen.
