Frikë për talentin e ri portugez Bruno Tavares, një nga lojtarët më premtues të Europës. 18-vjeçari i Sporting-ut, siç ka bërë të ditur The Sun, duket se ka qenë viktimë e një të shtëne me armë zjarri në gjoks dhe ka rrezikuar të vdesë.
Sipas shtypit vendas, atleti i ri duket se është qëlluar në gjoks nga një e shtënë aksidentale, ndoshta, pikërisht nga dikush që ka qenë me të.
Djaloshi është dërguar menjëherë në spitalin Garcia de Orta të Lisbonës dhe i është nënshtruar një ndërhyrjeje kirurgjike që, fatmirësisht, i ka shpëtuar jetën.
Tani lojtari ka dalë nga spitali dhe po e kalon fazën e rikuperimit në shtëpi. Policia po vazhdon hetimet për të kuptuar se çfarë ka ndodhur sepse, siç ka shpjeguar The Sun, ai që ka qëlluar është arratisur.
Edhe Sporting-u, sapo Tavarez të ketë marrë veten, mund të mendojë ta ndëshkojë lojtarin.
