Hakan Çalhanoglu është shndërruar në një çështje të nxehtë për kuqezinjtë. Kontrata që i skadon në qershor të 2021-shit dhe vështirësitë për rinovimin e kanë kthyer të gjithë ambientin kundër turkut.
Ky i fundit ka dëshirë të vijojë karrierën te Milani, por pretendon një rrogë në proporcion me paraqitjet e tij. Klubi e ka ngritur ofertën deri në 5 milionë euro përfshirë bonuset, teksa menaxheri i 26-vjeçarit kërkon 6 milionë në sezon.
Distanca është ende e largët, megjithatë “Djalli” nuk mund t’i lejojë vetes të humbë pa fituar asgjë një lojtar që vlen 25 milionë euro dhe vështirë se në janar mund të përfitojë një shumë të tillë. Sa i përket Çalhas, shumë klubi janë gati ta mbulojnë me para, por me kusht që të afrojnë falas. Atletiko e Madridit, Juventusi dhe Interi janë mes të interesuarave të mëdha, megjithatë qëndrimi i turkut kuqezi nuk mund të quhet i pamundur.
