Është mbyllur pa fitues “klasikja” mes Tiranës dhe Vllaznisë.
Edhe pse bardheblutë kaluan të parët në avantazh me anë të Muçit në minutën e 13-të, kryesuesit shkodranë arritën të mblidhnin forcat në fragmentin e dytë të lojës, duke barazuar me Imerin në minutën e 79-të, teksa tentuan ta fitonin në fund, por u mjaftuan vetëm me barazim.
Vlen të theksohet fakti, se Tirana u “tradhtua” në minutën e 74-të, nga Torasa, që u ndëshkua me karton të kuq për ndërhyrje antisportive ndaj Isaevskit.