Është mbyllur në barazim pa gola supersfida e javës së 7-të mes Partizanit dhe Teutës, e zhvilluar në “Elbasan Arena”. Pavarësisht tentativave të shumta, të dy skuadrat nuk arritën të gjenin rrugën e rrjetës, duke u “kënaqur” me vetëm 1 pikë.
Rastin më të artë për të kaluar në avantazh e kishte Teuta në minutën e 84-t, me Emiljano Vilën, që gaboi nga pika e bardhë e penalltisë. Gjuajtja e tij u ndal nga Alban Hoxha. Ky ishte barazimi i gjashtë në 7 javë për Teutën dhe i treti në kampionat për Partizanin.
