Njoftimi i lëshuar sot nga Prokuroria e Peruxhias ndryshon kartat në tryezë, në historinë e provimit farsë të zhvilluar në mes të shtatorit nga Luis Suarez.
Për herë të parë, përfaqësuesit e Juventusit vihen në hetim, menaxhmenti i të cilit thuhet se: “Ka ndërmarrë veprime, madje edhe në nivelet më të larta institucionale, për të përshpejtuar njohjen e nënshtetësisë italiane të Suarezit, duke bërë kështu hipoteza të reja të krimit përveç atyre që i përkasin universitetit, i cili është ende nën hetim”.
Një skenar i ndryshëm nga ai i fundit të shtatorit, kur asnjë eksponent i kampionëve italianë nuk ishte mes të dyshuarve, megjithatë ndodhen nën lupën e Prokurorisë së Federatës Italiane të Futbollit, e cila ka hapur prej kohësh një dosje mbi këtë temë.
Çfarë parashikojnë rregullat – Duke thënë që përgjegjësia penale është personale dhe personat e interesuar drejtpërdrejtë do të ishin përgjegjës për të, në sistemin sportiv rregulli i referimit është ai i parashikuar nga rreshti 32, paragrafi 7, i Kodit të Drejtësisë Sportive. Duke e cituar fjalë për fjalë: “Shkelja e rregullave federale për anëtarësimin, e bërë me anë të një çertifikate të rreme të shtetësisë, përbën një shkelje disiplinore. Klubi, drejtuesit e tyre, anëtarët, aksionarët dhe jo-aksionarët e përmendur në rreshtin 2, paragrafi 2, të cilët drejtpërdrejtë kryejnë ose përpiqen të kryejnë ose lejojnë të tjerët të kryejnë veprime që synojnë marrjen e certifikatave të rreme ose të ndryshuara ose dokumenteve të shtetësisë për të shmangur rregullat e hyrjes në Itali dhe regjistrimin e lojtarëve jo të Bashkimit Europian, janë përgjegjës për këtë duke zbatuar sanksionet referuar në paragrafët 8 dhe 9. Të njëjtat sanksione zbatohen për klubet, drejtuesit dhe anëtarët nëse marrin lojtarë me një emër të rremë ose që në çdo rast nuk kanë të drejtë të marrin pjesë në gara sportive.” Dënimet janë potencialisht shumë të rënda, ato variojnë nga një gjobë e thjeshtë deri te përjashtimi nga kampionati. E vështirë, duke pasur parasysh precedentët, që është akoma e mundur të shkosh përtej gjobës, në rastin më të keq për Juventusin.
Deklarata ndryshon skenarin – Sa i përket drejtuesve të Juventusit që mund të jenë përfshirë, çështja është ende në fazën hetimore, siç shpjegohet nga Prokurori Publik, ndërsa urdhrat e parë të parandalimit kanë mbërritur tashmë për menaxhmentin e lartë të Universitetit për të Huajt e Peruxhias. Në thelb, shkeljet janë evidente por ende nuk janë demonstruar. Nëse ato janë të vërteta, përgjegjësia e klubit të Juventusit do të vinte në lojë vetëm nëse do të konstatohej edhe përfshirja e drejtpërdrejtë e klubit, artikulli në fakt i referohet qartë një anëtari. Një skenar që nga sot, Prokuroria nuk e përjashton nga lista e hipotezave.
