Fransisko Roman Alarkon Suarez, i njohur nga të gjithë si Isko, mund të jetë përforcimi i merkatos së dimrit për Juventusin.
Tabloidi britanik “Daily Star” e bën të sigurt një gjë të tillë dhe shpjegon se ish-talenti i Malagës do të lërë Realin e Madridit dhe do t’i bashkohet në Torino ish-shokut të skuadrës, Kristiano Ronaldo.
Sipas informacioneve të “Daily Star”, Arsenali është parakaluar nga bardhezinjtë në garën për të firmosur me fantazistin spanjoll dhe “Topçinjtë” kanë tundur flamurin e bardhë, duke mos e vazhduar më garën për të.
Paratiçi mund ta mbyll operacionin për lojtarin që nuk luan rregullisht në skuadrën e Zidanit për 20-25 milionë euro.
