Futbollisti (virtual) më i fortë i historisë është ndarë nga jeta.
Emri Maksim Cyhalka ju thotë ndonjë gjë?
Ndoshta jo, sepse është më i famshëm për versionin “perëndimor” Tsygalko. Po, sepse Maksim (Maxim në lojë…) ka qenë sulmuesi ideal i shumë skuadrave në Championship Manager, paraardhësi i Football Manager-it aktual, një nga video-lojërat e futbollit më të famshme në botë.
“I vetmi që ka arritur në 2 mijë gola në karrierë”, siç është bërë e ditur në faqet e Football Manager pak kohë më parë.
Tsygalko-Cyhalka përmirësohej gjithmonë e më shumë në lojën virtuale, duke u bërë një super goditje në merkato për çdo klub të Europës. Kështu që të gjithë ata që luanin nxitonin ta blinin.
Vetëm se golat ishin virtuale, ndërsa Cyhalka i vërtetë, lojtar premtues i Dinamo Minsk me një vëlla binjak portier, ka qenë i detyruar të tërhiqet në moshën 23 vjeç për shkak të dëmtimeve të shumta.
Pasi ka varur këpucët në gozhdë, është marrë me prodhimin e dritareve për shtëpi. Dhe të premten, në ditën e Krishtlindjes, ka vdekur në moshën 37 vjeç për shkaqe që akoma nuk dihen, sipas mediave bjelloruse.
