Lajme të këqija për lojtarin kuqezi të kombëtare shqiptare. Elsedi Hysaj ka dalë sërish pozitiv me Covid-19.
Lajmin e konfirmon vetë klubi i Napolit në një reagim zyrtar. Gjithashtu bëhet e ditur se edhe shqiptari tjetër, Amir Rrahmani ka rezultuar pozitiv me Covid.
“Tamponët e kryer dje në mëngjes për anëtarët e grupit të ekipit janë të gjithë negativë ndaj Covid-19, me përjashtim të Amir Rrahamani dhe Elseid Hysaj të cilët janë ri-pozitivizuar dhe do të shkojnë menjëherë në izolim në shtëpi në pritje të një tamponi të ri”, thuhet në një njoftimin zyrtar të klubit napoletan.
Hysaj rezultoi fillimisht pozitiv i prekur nga Covid pas grumbullimit në kombëtaren shqiptare, më pas ai u izolua deri sa doli negativ. Pas qëndrimit në Shqipëri dhe marrjes së përgjigjes negative, ai shkoi në Itali.