Me golat e tij po e tërheq si “lokomotivë” Interin e Antonio Conte, në kampionat dhe Champions. Tani, Romelu Lukaku dëshiron të njihet midis sulmuesve më të mirë aktualisht në qarkullim.
Lojtari belg foli për mikrofonat e “France Football”, duke e kurorëzuar veten midis pesë sulmuesve më të mirë në botë të momentit: “Nga pikëpamja taktike, e pozicionimit dhe e lëvizjes, unë kurrë nuk gaboj. Jam një nga 5 sulmuesit më të mirë në botë”.
Lukaku po përjeton një nga momentet më të mira të karrierës së tij nën drejtimin e trajnerit Conte, por ai mendon se ka ende hapësirë të bollshme për përmirësim: “Nëse Cristiano Ronaldo, Messi apo Lewandowski i kanë tejkaluar kufijtë e tyre, pse nuk mundem edhe unë?”
