Xherdan Shaqiri dhe Liverpooli i kanë kujtuar dy golat e anësorit shqiptar kundër Manchester Unitedit në dhjetor të vitit 2018, të cilat për pasojë e kishin shkarkimin e Jose Mourinhos nga posti i trajnerit të rivalit të përbetuar.
Anësori shqiptar i Kombëtares së Zvicrës, Shaqiri kishte shënuar dy herë brenda shtatë minutave pak pasi ishte futur në lojë nga banka rezervë, duke iu ndihmuar të kuqve ta mposhtin 3:1 Unitedit në një ndeshje të Premierligës në Anfield para dy vjetëve.
Golat e Shaqirit kishin një rëndësi të madhe, të paktën për ta ardhmen e Unitedit atë botë, pasi ajo disfatë çoi në shkarkimin Jose Mourinhos nga posti i trajnerit.
Portugezi u zëvendësua nga Ole Gunnar Solskjaer dhe United përfundoi në vendin e gjashtë, ndërsa Liverpooli si në vendin e dytë në Premierligë atë sezon.
Liverpooli i kujtoi ato dy gola në rrjetet sociale me një video me mbishkrimin: “Në këtë ditë para dy vjetëve, Shaqiri i shënoi dy gola të vonshëm për të na i siguruar tri pikët e plota kundër Man United”.
Pak më vonë, Shaqiri e shpërndau postimin e klubit të vet, të cilit ia bashkëngjiti dy emoji dashurie.
— Xherdan Shaqiri (@XS_11official) December 16, 2020
