Komiteti Olimpik pranë Federatës Italiane të Futbollit vendosi ditë më parë që sfida Juventus-Napoli të riluhej dhe pikët të hiqeshin për të dyja skuadrat.
Pas takimit midis dy presidentëve Andrea Anjeli dhe Aurelio De Laurentis thuhet se kanë folur edhe për datën se kur mund të zhvillohet ndeshja e javës së 3-të të Serisë A italiane.
Përjashtohet mundësia e riluajtjes në muajin janar për arsye se datat përkojnë shumë pranë me njëra tjetrën dhe luhet dhe kompeticioni tjetër si Kupa e Italisë. Sipas mediave italiane palët kanë rënë dakord të riluhet të shtunën e 13 shkurtit në “Allianz Stadium” të Torinos.
Pritet ende një vendim zyrtar pasi kjo datë është një aludim për të dyja skuadrat pas shumë impenjimeve në Europë, kampionat dhe kupë.