Kastrioti u rikthye te rezultatet pozitive në kampionat, duke shtangur Kukësin e Skënder Gegës. Krutanët triumfuan me rezultatin minimal 1-0, falë supergolit të talentit Bardhi dhe paraqitjes fantastike të gardianit Isli Hidi, i cili i mohoi disa gola skuadrës verilindore, që e kërkoi me ngulm, golin por nuk arriti ta gjente.
Të besuarit e Ndreut arritën të ndalin hovin e Kukësit, që vinte pas një serie të gjatë rezultatesh pozitive radhazi. Me këtë fitore Kastrioti u ngjit në vendin e 5-të në kuotën e 13 pikëve, 3 me pak se Kukësi i vendit të dytë.
