Orges Shehi ishte një nga kandidatët për të marrë vendin e trajnerit te Ballkani i Suharekës në Kosovë, pas largimit të Ismet Munishit.
Trajneri durrsak kishte kontakte me drejtuesit e Ballkanit, por këta të fundit më pas zgjodhën që drejtimin e skuadrës t’ia besonin Bledi Shkëmbit. Pas kësaj ka folur Shehi, i cili në një prononcim të shkurtër të dhënë për “Indeksonline” është shprehur se nuk ishte e shkruar që ai të merrte drejtimin e skuadrës nga Suhareka.
“Gjëja e parë që do bëja është se do drekoja menjëherë me ish-trajnerin Ismet Munishi. Megjithatë unë besoj që disa gjëra të realizohen, duhet të jetë e shkruar dhe në këtë rast nuk ishte e shkruar që unë ta merrja skuadrën.”
