Tirana nuk ka humbur kohë për të gjetur trajnerin e ri, pas largimit të Nevil Dedes. Siç e pat paralamëruar “Panorama Sport” që në mesditë, Orges Shehi do të jetë trajneri i ri i kampionëve në fuqi të Superiores.
Mësohet së fundmi se palët kanë arritur akordin, teksa pritet vetëm zyrtarizimi. Për sa i përket eksperiencave si trajner, Shehi në të kaluarën ka drejtuar Skënderbeun dhe Kukësin. Ndërkohë që si lojtar, durrsaku, përvecc, Teutës, Bylisit, Vllaznisë, Besës dhe Skënderbeut, ka qenë edhe kapiten i Partizanit.
Shehi ka njohje të vjetra me drejtorin e bardhebluve, Tefik Osmani dhe ky i fundit mësohet ia ka propozuar presidentit Refik Halili.
Skuadrën verilindore të Kukësit, Shehi e drejtoi për 13 ndeshje, teksa u largua pas rezultateve jo bindëse. Ndërkohë në stolin e Skënderbeut, 43-vjeçari qëndroi plot 45 ndeshje, teksa vendin e tij më pas e zuri trajneri Ilir Daja.
