Napoli ka mundur 3-2 Empoli-n dhe është kualifikuar në çerekfinalet e Kupës së Italisë.
Siç mund të kuptohet edhe nga rezultati, ka qenë një sukses i vuajtur për skuadrën e Gattuso-s kundër kryesuesve të Serisë B.
Takim i luajtur në stadiumin Diego Armando Maradona është zhbllokuar nga Di Lorenzo (18′), por miqtë kanë barazuar me zviceranin me origjinë shqiptar Bajrami (33′), i cili ka shkundur rrjetën me një goditje të jashtëzakonshme.
Lozani (38′) ka kthyer në avantazh Axurrët, me Empoli-n që është kundërpërgjigjur me një tjetër gol të bukur të Bajramit (68′).
Goli që ka vendosur sfidën dhe i ka dhuruar kualifikimin Napoli-t është shënuar nga Petagna (77′).
Një tjetër shqiptar ka festuar pasditen e sotme. Mesfushori 18 vjeç Kristjan Asllani, në fakt, ka bërë debutimin e tij me ekipin e parë të Empoli-t pesë minuta para fundit të takimit.
Skuadra e Gennaro Gattuso-s do të përballet në çerekfinale me fituesen e Roma-Spezia.
