Komisioni Disiplinor i Federatës së Futbollit në Spanjë, ka marrë vendimin për Lionel Mesin, pas gjestit antisportiv në Superkupë ndaj Bilbaos, ku u ndëshkua me karton të kuq teksa goditi me shpullë kundërshtarin Vijalibre.
Ylli argjentinas është dënuar me dy ndeshje pezullim për këtë veprim antisportiv, që nuk i ka hije një lojtari të këtij kalibri. Kësisoj Leo do të humbasë ndeshjen e Copa del Rey kundër Cornelës dhe sfidën e kampionatit ndaj Elçes.
“Pleshti”, duhet të ketë ngelur i kënaqur nga ky dënim minimal, pasi rrezikonte të pezullohej edhe 4 ose 8 ndeshje.
