Mario Manxukiç zgjodhi fanellën me numrin “9” të Milanit, dhe zgjodhi të sfidojë “mallkimin” që mbart me vete ai numër aq i “rëndë”. Nga 2012 deri më sot, në harkun e 9 viteve, ka patur kaq shumë sulmues që kanë “sfiduar” fatin dhe kanë zgjedhur të lidhin emrin e tyre me atë numër.
Numërimi fillon nga maji 2012, data në të cilën Filipo Inzagi i tha lamtumirë kuqezinjve, duke filluar këtë tabu të veçantë. Që nga ajo ditë dhe para Manxukiç, 9 futbollistë janë përpjekur. Të gjithë me të njëjtat rezultate negative, siç demonstrohet nga gjithsej 29 gola në 154 paraqitje.
I pari ishte Aleksandre Pato i cili tashmë në 2012/2013, duke përfituar nga lamtumira e “SuperPippo” Inzagit, ndryshoi fanellën e tij nga numri “7” në “9”. Një zgjedhje katastrofike, duke patur parasysh rezultatet, falë problemeve të ndryshme fizike.
Sezonin në vijim, 2013/2014, Alessandro Matri me fanellën me numrin “9” kreu, 1 gol në 15 paraqitje në Serinë A.
Në 2014/2015 ai numër madje kishte dy “padrona”, Matia Destro, i cili shënoi 3 gola në 15 paraqitje dhe Fernando Torres i cili bëri edhe më keq me vetëm një gol në 10 paraqitje.
Në 2015/2016 ishte radha e Luiz Adrianos, 4 gola në 26 paraqitje në kampionat.
Pastaj Xhanluka Lapadula me 8 gola në 27 paraqitje në 2016/2017.
André Silva në sezonin 2017/2018 me vetëm 2 gola në 24 paraqitje.
Në 2018/2019 Gonzalo Higuain gjithashtu u përplas me mallkimin, 6 gola në 15 paraqitje në kampionat.
Dhe kështu kemi arritur në 2019/2020: në atë sezon ku Kristof Piontek, një “snajper i pagabueshëm” deri në atë moment, u ndal duke shënuar 4 gola në 18 paraqitje në kampionat.
