Më 24 janar do të mbahen zgjedhjet për presidentin e ri të Barcelonës. Joan Laporta ka shpallur kandidaturën e tij për president të klubit katalanas, në të cilin e ka drejtuar edhe më parë, duke i dhuruar skudrës një sërë trofesh.
Laporta ka dhënë së fundmi një intervistë për mediat spanjolle, ku nuk ka kursyer ironitë për Realin e Madridit, duke i akuzuar këta të fundit për favorizim nga VAR-i.
“A jam nga ata që mendojnë se VAR shkon me Madridin? Keni të drejtë. Nëse një Marsian zbret në tokë dhe sheh VAR-in, ai do të kuptonte shpejt se VAR-i është nga Madridi”, ka thënë Laporta.
