Trajneri i Atletico Madridit, Diego Simeone, po mendon për sulmin dhe ka piketuar njeriun e duhur për të zëvendësuar Diego Costan. Joao Felix dhe Luis Suarez janë shumë mirë, por Simeone shpreson të rrëmbejë një tjetër emër.
Fjala është për sulmuesin e Arsenalit, Alexandre Lacazette. Ky i fundit është futbollisti më në formë i “Topçinjëve” këtë sezon dhe po shënon shpesh. Ai ka probleme me trajnerin Arteta dhe mund të largohet.
29-vjeçari do të ishte një futbollist shumë i mirë për skemat e Simeones. Francezi ka thuajse të njëjtin stil loje me Diego Costan dhe mund të përmbushë shumë mirë vendin e lënë bosh nga ai.
