Ikja e Dedes nga Tirana ishte kulmi i një marrëdhënieje që e humbi lidhjen e fortë mes trajnerit dhe drejtuesve. Së pari ishin rezultatet jo fort pozitive, me barazimet radhazi dhe më tej edhe humbja në derbi jep një goditje të fortë.
Mirëpo, gazeta ka mësuar se mes trajnerit dhe drejtuesve ka nisur një krisje që në afrimin e sulmuesit finlandez, Tim Vairinen.
Gazeta ka mësuar se në zgjedhjen e këtij sulmuesi, trajneri është ndierë i mënjanuar, pasi ka qenë më së shumti insistim i klubit dhe drejtuesve dhe përzgjedhje e tyre, që i është propozuar Dedes për përforcimin e sulmit. Kësisoj, këtë “ftohje të marrëdhënieve” nuk e ndihmuan as rezultatet dhe ndodhi ndarja përfundimtare.
